DOMINE Deus Omnipotens, Rex regum et Dominus dominantium, in cuius manu omnis victoria consistit et omne bellum conteritur, concede mihi ut tua manus cor meum corroboret ut in virtute tua in manibus viribusque meis bene pugnare viriliterque agere valeam ut inimici mei in conspectu meo cadent et corruant sicut corruit Golias ante faciem pueri tui David, et sicut populus Pharaonis coram Moysi in mare rubro, et sicut Philistini coram populo Israel cecidi1 sunt, et Amalech coram Moysi et Chananei coram Iesu corruerunt, sic cadant inimici mei sub pedibus meis, et per viam unam conveniant adversum me et per septem fugiant a me; et conteret Deus arma eorum et confringet framea eorum, et liquescent in conspectu meo sicut cera a facie ignis ut sciant omnes populi terrae quia invocatum est nomen Domini nostri Iesu Christi super me et magnificetur nomen tuum Domine, in adversariis meis, Domine Deus Israel.